პროექტი „ჩვენი გარემო ჩვენი სახეა“ დასრულებულია

ორგანიზაციების,  ‘’მეოხი - 2010’’ და ‘’სვანური კოშკების ისტორიულმფლობელთა მემკვიდრეები’’, კოალიციური პროექტის  მეორე ეტაპზე პროექტის ჯგუფმა საინიციატივო ჯგუფებისა და თვითთმმართველობის წარმომადგენლების მხარდაჭერით დაათვალიერა პროექტით გათვალისწინებულ თემების ტერიტორიებზე განთავსებული სანაგვე ურნები და მოახდინა მათი განტვირთვა, რაშიც 50-მდე ადამიანი ჩაერთო. ასეთივე აქტივობა განხორციელდება  პროექტის დამთავრების შემდეგ აგვისტოს თვეში და ურნები მიღება - ჩაბარების აქტებით გადაეცემა გამგეობის რწმუნებულებს.პროექტის მიმდინარეობისასვე მიღწეული იქნა ეფექტური თანამშრომლობა ადგილობრივ ხელისუფლებასთან პროექტის დასრულების  შემდეგ კი მომზადდება  წერილი, ადგილობრივი თვითმმართველობის წარმომადგენლობითი და აღმასრულებელი ხელისუფლების სახელზე, რომ ნაგვის მართვა  უნდა იყოს პრიორიტეტული და მთელი სვანეთის  ტერიტორიაზე ყველა თემსა და სოფელში უნდა მოეწყოს თუნდაც მარტივი ტიპის ნაგავსაყრელები, ხოლო მესტიაში ყველა სტანდარტებით დაცული  ნაგავსაყრელი.

პროექტის ‘’ჩვენი გარემო ჩვენი სახეა’’ მეორე ეტაპის მიმდინარეობა

2012 წლის  31 ივლისს პროექტის ფარგლებში პროექტის დირექტორმა ვახტანგ ფილფანმა საინიციატივო ჯგუფთან ერთად და თვითმმართველობის წარმომადგენელთან ერთად დაათვალიერა მულახი - წვირმის  თემების   ტერიტორიაზე განთავსებული სანაგვე ურნები, მოხდა ნაგვის გატანა.

პროექტის ‘’ჩვენი გარემო ჩვენი სახეა’’ მეორე ეტაპის მიმდინარეობა

2012 წლის  31 ივლისს პროექტის ფარგლებში  პროექტის დირექტორმა ვახტანგ ფილფანმა ლენჯერის თემის თვითმმართველობის წარმომადგენელთან ერთად    დაათვალიერა  მესტია - ლენჯერის  თემების   ტერიტორიაზე განთავსებული სანაგვე ურნები.  ლენჯერში მოხდა სანაგვე ურნის განტვირთვა , ხოლო მესტიაში საინიციატივო ჯგუფის მიერ უკვე დასუფთავებული იყო.

პროექტის ‘’ჩვენი გარემო ჩვენი სახეა’’ მეორე ეტაპის მიმდინარეობა

2012 წლის  30 ივლისს პროექტის ფარგლებში პროექტის დასაწყობებისა და დასუფთავების კოორდინატორმა  მარლენ რატიანმა თვითმმართველობის წარმომადგენლებთან ერთად  დაათვალიერა   ბეჩო -ეცერის თემების   ტერიტორიაზე განთავსებული სანაგვე ურნები, რომლებიც  საინიციატივო ჯგუფის მიერ უკვე დასუფთავებული იყო.

პროექტის ‘’ჩვენი გარემო ჩვენი სახეა’’ მეორე ეტაპის მიმდინარეობა

2012 წლის  27 ივლისს პროექტის ფარგლებში პროექტის დირექტორმა ვახტანგ ფილფანმა საინიციატივო ჯგუფთან ერთად დაათვალიერა უშგული -  კალა - იფარის თემების   ტერიტორიაზე განთავსებული სანაგვე ურნები, მოხდა ნაგვის გატანა.

პროექტის ‘’ჩვენი გარემო ჩვენი სახეა’’პირველი ეტაპი დასრულებულია

 ორგანიზაციების ‘’მეოხი - 2010’’ და ‘’სვანური კოშკების ისტორიულ მფლობელთა მემკვიდრეები’’ კოალიციური პროექტის ‘’ჩვენი გარემო ჩვენი სახეა’’ პირველი ეტაპი დამთავრდა, რომლის  მიზანი არის  საზოგადოების განსაკუთრებთ, მომავალი თაობის ცნობიერების ამაღლება გარემოს დაცვით საკითხებზე მუნიციპალიტეტისვ თემებში დაბინზურებული ადგილების დასუფთავება  მოსახლეობის აქტიური მონაწილეობით.

პროექტის აქტივობა დაიწყო ადგილობრივი თვითმმართველობის ხელმძღვანელებთან - გამგებელსა და საკრებულოს თავმჯდომარესთან ასევე განათლების რესურს ცენტრის ხელმძღვანელთან შეხვედრებით. პროექტის შესახებ ინფორმაცია მიეწოდა საკრებულოს შემადგენლობას და დასწრეებს საკრებულოს მორიგ სხდომაზე დასწრებით. თვითმმართველობამ და განათლების დაწესებულებებმა გამოხატეს აქტიური მხარდაჭერა,რაც გამოიხატებოდა  პროექტით გათვალისწინებულ თემებში მათ დაქვემდებარებაში მყოფი ადამიანების (გამგებლები, დეპუტატები, სკოლის დირექტორები) გაფრთხიელებაში, რომ  სამუშაო ჯგუფის ვიზიტის დროს ჩართულ იყვნენ დაგეგმილ აქტივობებში. პროექტის სამუშაო ჯგუფმა ჩაატარა 30 შეხვედრა სკოლებში და საზოგადოების თავშეყრის ადგილებში. ჩატარდა საუბრები ნაგვის მავნებლობის შესახებ, მოხდა  აზრთა გაცვლა - გამოცვლა,  დადებითად შეხვდნენ პროექტის იდეას და მათი  აზრის გათვალისწინებით გამოიკვეთა საინიციატივო ჯგუფების არსებობის საჭიროება, რომლებიც პროექტის დასრულების შემდეგ გააგრძელებენ წამოწყებულ საქმიანობას, მათივე გადაწყვეტილებით შეირჩა ურნების განთავსების ადგილები და ჩატარდა დასუფთავების აქციები. ჩაერთო სულ 708 მონაწილე. პირველ საინფორმაციო შეხვედრებში 407, ხოლო მეორე შეხვედრა - დასუფთავების პროცესში 301 ადამიანი. პროექტის საქმიანობებში ჩაერთო თვითმმართველობის წარმომადგენლები, სკოლის დირექტორები, პედაგოგები, მოსწავლეები, სოფლის მოსახლეობა. თითქმის ყველა ოჯახში დარიგდა  საინფორმაციო ფურცლები, სადაც მოკლედ არის აღწერილი ჩვენი პროექტის შესახებ. ინფორმირებულ იქნა   2950 ადამიანი.

  პროექტის სამუშაო ჯგუფის და საინიციატივო ჯგუფების მიერ დასუფთავებულ იქნა ეცერი - 704 მოსახლე ბეჩოს,ლენჯერის,მესტიის,მულახის,წვირმის,ადიშის,იფარის,კალას,უშგულის თემებში დაბინძურებული ადგილები და დაიდგა 15 ცალი 240 ლიტრიანი ნაგვის ურნა.    პროექტის ინიციატივის საპასუხოდ  უმეტესობა სკოლებსა და სოფლებში (ბეჩო, ეცერი, წვირმი, მულახი) ჩატარდა შაბათობები.

   პროექტის დირექტორის  ინიციატივიდან გამომდინარე, რასაც რამოდენიმე წლის ისტორია აქვს მუნიციპალური ბიუჯეტის  დაფინანსებით ლენჯერისა და ლატალის თემების საზღვარზე მოეწყო მარტივი ტიპის ნაგავსაყრელი, რომელიც ბევრჯერ იქნა გამოყენებული პროექტის აქტივობების დროს. ამ ნაგავსაყრელის გახსნის დღეს ორგანიზაციების, ‘’მეოხი -2010’’ და ‘’გურამ თიკანაძის ახალგაზრდული ცენტრი’’ , ინიციატივით ლენჯერისა და ლატალის მოსახლეობის მიერ ჩატარდა ცენტრალური საავტომობილო გზის მიმდებარე ტერიტორიის  დასუფთავების აქცია და შეგროვებული ნაგვის  განთავსება სვანეთის ისტორიაში პირველ ნაგავსაყრელზე.

  პროექტების მიმდინარეობის პირველი ეტაპი უკვე  დამთავრდა, განხორციელდა ფინანსური ანგარიშგებაც და დაიწყება პროექტის მიმდინარეობის მეორე ეტაპი.

შეხვედრა - დასუფთავების აქცია მესტიაში

2012 წლის 29 ივნისს პროექტის ჯგუფმა ადგილობრივ მოსახლეობასთან  ჩაატარდა 
შეხვედრა და მათივე ძალებით დასუფთავდა დაბინძურებული ტერიტორია მესტიაში 
ჭალაადის ტერიტორიაზე.მონაწილეობდა 12 ადამიანი.

შეხვედრები მულახსა და მუჟალში

21 ივნისს აქცია გაგრძელდა მულახსა და მუჟალში. მონაწილეობა მიიღო 30 ადამიანმა. განთავსდა ორი სანაგვე ურნა. დასუფთავდა შემოგარენი და მესტია- ლატალის ნაგავსაყრელზე იქნა გადატანილი.